Dalam rangka meningkatkan peran umat pada perayaan inkulturasi Gereja Katolik Manggarai, situs ini secara khusus membuat menu Ngaji Manggarai yang berisi Doa-doa Gereja Katolik dalam Bahasa Manggarai. Kami membaginya ke dalam beberapa bagian demi kenyamanan membaca. Pada bagian pertama ini, kami hadirkan mulai dari Tanda Salib sampai doa Aku Percaya.

Tanda Salib – Tanda Panggol

Le Ngasang de Ema, agu de Anak, agu de Nai Nggeluk. Amèn.

Bapa Kami – Yo, Ema Dami

Yo, Ema dami ata ka’èng onè Surga,
Nggeluk koè lata ngasang Ditè Mori,
Cai koè prènta Ditè Mori,  Jari koè ngoèng Dite Mori,
Onè lino nèho onè Surga
***
Mosè dami leso-leso,
Tèing koè ami leso ho’o
Ampong koe’s ndèkok dami,
Nèho ami ampong ata pandè sala agu ami
Agu Nèka dadè ami ngger onè damang,
Maig tadang koès sanggèd daat. Amèn

Salam Maria – Tabe-o Maria

Tabe o Maria ata penong le widang Nggeluk
Mori Kraèng agu Itè
Itè kali cèwè don berkak onè inèwai
Agu berkak Mori Yèsus wua tuka ditè
***
Maria Nggeluk, endè’d Mori Kraèng
Ngaji koè latang te ami ata ndekok
Te hoon, agu du ami turung matag’m. Amèn

Kemuliaan – Naringkoe Lata Ema

Naringkoè lata Ema, agu Anak, agu Nai Nggeluk
***
Neho du wangkan, nenggitu te ho’on, nenggitu kèta kin, agu tèdèng lèn. Amèn

Aku Percaya – Aku Imbi

Aku imbi Mori Keraèng Ema pu’un kuasa,
Ata poli dèdèk Surga agu tana lino
Agu hi Yesus Kristus, Anak Lèca Diha, Mori ditè
Hi Maria Ata Molas, poli dè’i le Nai Nggeluk
Agu hia poli loas Mori Yèsus,
Ata poli ta’ong susa lètè Ponsius Pilatus
Poli pèpèk lata du Haju Panggol
Poli mata agu poli boak
Ata poli wa’u ngger wa osang batè gèrèng
Agu leso te telun poli mosè kolèn
Ata poli hendeng ngger èta Surga
Agu lonto du racap wanang de Mori Keraèng Ema pu’un kuasa
Mai nitu main tai
Hia kudut betè bicar data mosè agu data mata
Aku imbi Nai Nggeluk, Gereja Katolik Nggeluk, Neki data Nggeluk
Ampong’s ndèkok, to’o kolè taungs ata mata tai
Agu mosè tèdèng lèn. Amèn